VENDIM I KOMISIONIT, DATË 14 NËNTOR 2006, "PËR KËRKESAT MINIMALE PËR MBLEDHJEN E INFORMACIONIT GJATË KONTROLLIT TË VENDEVE TË PRODHIMIT KU MBAHEN KAFSHË TË CAKTUARA PËR QËLLIME BUJQËSORE" (NJOFTUAR ME DOKUMENTIN NUMËR C(2006) 5384)

(Tekst kuptimi i të cilit lidhet me ZEE-në)

(2006/778/KE)

KOMISIONI I KOMUNITETEVE EVROPIANE,

Duke pasur parasysh Traktatin themelues të Komunitetit Evropian,

Duke pasur parasysh Direktivën e Këshillit 91/629/KEE, datë 19 nëntor 1991, "Për përcaktimin e standardeve minimale për mbrojtjen e viçave"<href="#ntr1-L_2006314EN.01003901-E0001">1, dhe në veçanti nenin 7, paragrafi 2 të saj,

Duke pasur parasysh Direktivën e Këshillit 91/630/KEE, datë 19 nëntor 1991, "Për përcaktimin e standardeve minimale për mbrojtjen e derrave"<href="#ntr2-L_2006314EN.01003901-E0002">2 dhe në veçanti nenin 7, paragrafi 2 të saj,

Duke pasur parasysh Direktivën e Këshillit 98/58/KE, datë 20 korrik 1998, "Për mbrojtjen e kafshëve të fermës"<href="#ntr3-L_2006314EN.01003901-E0003">3, dhe në veçanti nenin 6, paragrafi 3 të saj,

Duke pasur parasysh Direktivën e Këshillit 1999/74/KE, datë 19 korrik 1999, "Për përcaktimin e standardeve minimale për mbrojtjen e pulave që bëjnë vezë"<href="#ntr4-L_2006314EN.01003901-E0004">4 dhe në veçanti nenin 8, paragrafi 3 të saj,

Meqë:

1. Direktiva 91/629/KEE përcakton standardet minimale për mbrojtjen e viçave për mbarështim dhe majmëri. Ajo parashikon detyrimin që shtetet anëtare të garantojnë kryerjen e kontrolleve nën përgjegjësinë e autoritetit kompetent për të verifikuar përputhshmërinë me këtë direktivë.

2. Direktiva 91/630/KEE përcakton standardet minimale për mbrojtjen e derrave për mbarështim dhe majmëri. Ajo parashikon detyrimin që shtetet anëtare të garantojnë kryerjen e kontrolleve nën përgjegjësinë e autoritetit kompetent për të verifikuar përputhshmërinë me këtë direktivë.

3. Direktiva 98/58/KEE përcakton standardet minimale për mbrojtjen e kafshëve që mbarështohen ose mbahen për qëllime bujqësore. Ajo parashikon detyrimin që shtetet anëtare të garantojnë kryerjen e kontrolleve nga autoriteti kompetent në mënyrë që të kontrollohet përputhshmëria me këtë direktivë dhe që t'i paraqesin Komisionit paraqesin raportet e këtyre kontrolleve.

4. Vendimi i Komisionit 2000/50/KE, datë 17 dhjetor 1999, "Për kërkesat minimale për kontrollin e fermave ku mbahen kafshë për qëllime bujqësore"⁵ parashikon që raportet që shtetet anëtare duhet t'i paraqesin Komisionit në përputhje me Direktivën 98/58/KE të jenë për viçat, derrat dhe pulat që bëjnë vezë. Gjithashtu, ajo përcakton informacionin që kërkohet të paraqesin shtetet anëtare për çdo specie dhe kategori të kafshëve.

5. Inspektimi i kafshëve që mbahen për qëllime bujqësore i kryer në shtetet anëtare nuk duhet të mbulojë vetëm kërkesat e përcaktuara në akte të posaçme, të tilla si ato për viçat, derrat apo pulat që bëjnë vezë, por edhe kushtet e përgjithshme të mirëqenies të përcaktuara në Direktivën 98/58/KE. Detyrimet e raportimit nga shtetet anëtare pranë Komisionit duhet të përfshijnë njëkohësisht kërkesat e përgjithshme dhe të posaçme në zbatim të legjislacionit komunitar.

6. Kontrollet e kryera në shtetet anëtare në lidhje me kafshët që mbahen për qëllime bujqësore mbulon gjithashtu të gjitha speciet e tjera të kultivuara që përfshihen në fushën e zbatimit të Direktivës 98/58/KE. Detyrimet e raportimit të shteteve anëtare pranë Komisionit duhet të zgjerohen përkatësisht.

7. Direktiva 1999/74/KE përcaktohen standardet minimale për mbrojtjen e pulave që bëjnë vezë. Ajo parashikon detyrimin që shtetet anëtare të garantojnë kryerjen e kontrolleve nga autoriteti kompetent, në mënyrë që të kontrollohet përputhshmëria e me këtë direktivë.

8. Përvoja e fituar me Direktivat 91/629/KEE, 91/630/KEE, 98/58/KE dhe 1999/74/KE tregon mospërputhjet mes shteteve anëtare në planifikimin, kryerjen, regjistrimin dhe raportimin e kontrolleve të kryera nga autoriteti kompetent në bazë të këtyre direktivave.

9. Mbledhja e të dhënave për inspektimin e mirëqenies së kafshëve është thelbësore për Komunitetin për vlerësimin e ndikimit të politikës së tij në këtë fushë. Përveç kësaj, është e rëndësishme që rregullat për mirëqenien e kafshëve të zbatohen në mënyrë të njëtrajtshme, veçanërisht për shkak se këto rregullat mund të ndikojnë në konkurrueshmërinë e disa veprimtarive bujqësore. Për këtë arsye, është i nevojshëm përditësimi i kërkesave minimale për kontrollin e vendeve të prodhimit ku mbahen kafshë për qëllime bujqësore.

10. Rregullorja (KE) nr. 882/2004 e Parlamentit Evropian dhe Këshillit, datë 29 prill 2004, "Për kryerjen e kontrolleve zyrtare për të garantuar verifikimin e pajtueshmërisë me legjislacionin për ushqimin dhe ushqimin për kafshët, rregullat e shëndetit dhe të mirëqenies së kafshëve"⁶ parashikon në Titullin V planet e kontrollit, duke përfshirë raportet vjetore. Detyrimet aktuale të raportimit të shteteve anëtare sipas Vendimit 2000/50/KE duhen përshtatur me atë rregullore, në veçanti për sa i përket shpeshtësisë dhe afatit të raportimit pranë Komisionit.

11. Kushtet e mirëqenies së kafshëve ndikohen nga metodat e kultivimit. Prandaj, ato paraqiten si një bazë e dobishme për mbledhjen e informacionit. Në rastin e pulave që bëjnë vezë, duhet të merret si referencë Rregullorja e Komisionit (KE) nr. 2295/2003, datë 23 dhjetor 2003, që parashikon rregulla të hollësishme për zbatimin e Rregullores së Këshillit (KEE) nr. 1907/90 "Për standarde të caktuara për tregtimin e vezëve"⁷, pasi ajo përcakton kërkesa shtesë për sistemet alternative.

12. Sistemi aktual për mbledhjen dhe analizën e informacionit nga shtetet anëtare gjeneron një barrë administrative si për Komisionin, edhe për shtetet anëtare. Gjithashtu, ai krijon rrezik për ndryshimin e të dhënave. Për këtë arsye, nevojitet kryerja e një studimi të fizibilitetit për një sistem të përditësuar informacioni në nivel BE-je, me qëllimin për të përmirësuar dhe thjeshtësuar mbledhjen dhe analizën e të dhënave të nevojshme.

13. Për rrjedhojë, vendimi 2000/50/KE duhet shfuqizuar dhe zëvendësuar me këtë vendim.

14. Masat e parashikuara në këtë vendim janë në përputhje me opinionin e Komitetit të Përhershëm për Zinxhirin Ushqimor dhe Shëndetin e Kafshëve,

MIRATON KËTË VENDIM:

Neni 1

Objekti

Ky vendim përcakton rregullat për harmonizimin e:

a) mbledhjes së informacionit gjatë inspektimeve të kryera nga autoriteti kompetent në përputhje me Direktivat 91/629/KEE, 91/630/KEE, 98/58/KE dhe 1999/74/KE; dhe

b) raportimit të këtij informacioni Komisionit.

Neni 2

Përkufizime

Për qëllime të këtij vendimi, zbatohen përkufizimet në direktivat e përmendura në nenin 1, germa "a".

Zbatohen gjithashtu edhe përkufizimet e mëposhtme:

a) "inspektim" është kontrolli i kryer nga autoriteti kompetent në vendin e prodhimit ku mbahen kafshët në kohën e kontrollit në përputhje me direktivat e përmendura në nenin 1, germa "a";

b) "mospërputhshmëri" është mospërmbushja e një prej direktivave të përmendura në nenin 1, germa "a", e cila:

I. konstatohet nga autoriteti kompetent gjatë inspektimit;

II. njoftohet me anë të një dokumenti zyrtar nga autoriteti kompetent për zotëruesit ose mbajtësit të kafshëve në vendin e prodhimit në fjalë.

Neni 3

Informacioni që duhet të mblidhet dhe të regjistrohet gjatë çdo inspektimi

Gjatë çdo inspektimi, autoriteti kompetent mbledh dhe regjistron në një dokument me shkrim ose elektronik informacion për:

a) datën dhe identifikimin e vendit të prodhimit;

b) kategoritë e metodave të kultivimit dhe dispozitat përkatëse në legjislacionin e BE-së, siç renditet në shtojcën I;

c) kategoritë e mospërputhshmërisë dhe dispozitat përkatëse në legjislacionin e BE-së, siç renditet në shtojcën II;

d) kategoritë administrative të mospërputhshmërisë dhe veprimet e marra nga autoriteti kompetent, siç përmendet në shtojcën III.

Neni 4

Kërkesat minimale për verifikimin dhe regjistrimin në lidhje me inspektimet e kryera në përputhje me Direktivën 91/629/KEE

Gjatë çdo inspektimi të kryer në përputhje me Direktivën 91/629/KEE, autoriteti kompetent kontrollon të paktën pesë nga kategoritë e përmendura në kreun I të shtojcës II të këtij vendimi dhe dispozitat përkatëse në Direktivën 91/629/KEE siç renditet në atë kre. Autoriteti kompetent regjistron çdo mospërputhshmëri të vërejtur.

Neni 5

Kërkesat minimale për verifikimin dhe regjistrimin e kryer në përputhje me Direktivën 91/630/KEE

Gjatë çdo inspektimi të kryer në përputhje me Direktivën 91/630/KEE, autoriteti kompetent kontrollon të paktën katër nga kategoritë e përmendura në kreun II të shtojcës II të këtij vendimi dhe dispozitat përkatëse në Direktivën 91/630/KEE siç renditet në kre. Autoriteti kompetent regjistron çdo mospërputhshmëri të vërejtur.

Neni 6

Kërkesat minimale për verifikimin dhe regjistrimin e kryer në përputhje me Direktivën 98/58/KE

Gjatë çdo inspektimi të kryer në përputhje me Direktivën 98/58/KE, autoriteti kompetent kontrollon të paktën pesë nga kategoritë e përmendura në kreun III të shtojcës II të këtij vendimi dhe dispozitat përkatëse në Direktivën 98/58/KEE siç renditet në kre. Autoriteti kompetent regjistron çdo mospërputhshmëri të vërejtur.

Neni 7

Kërkesat minimale për verifikimin dhe regjistrimin e kryer në përputhje me Direktivën 1999/74/KE

Gjatë çdo inspektimi të kryer në përputhje me Direktivën 1999/74/KE, autoriteti kompetent kontrollon të paktën tre nga kategoritë e përmendura në kreun IV të shtojcës II të këtij vendimi dhe dispozitat përkatëse në Direktivën 1999/74/KEE siç renditet në kre. Autoriteti kompetent regjistron çdo mospërputhshmëri të vërejtur.

Neni 8

Raportet

1. Deri më 30 qershor 2009, dhe më pas çdo vit jo më vonë se data 30 qershor, shtetet anëtare i dorëzojnë Komisionit në mënyrë elektronike, një raport për informacionin e mbledhur dhe të regjistruar, në përputhje me këtë vendim, gjatë inspektimeve të kryera në vitin e mëparshëm kalendarik.

2. Raporti i parashikuar në paragrafin 1:

a) përmban informacionin e përmendur në shtojcën IV;

b) shoqërohet nga analiza e rezultateve më të rënda të mospërputhshmërive dhe nga plani kombëtar i veprimit për parandalimin dhe uljen e rasteve të tilla në vitet e ardhshme.

Neni 9

Shfuqizimi

Vendimi 2000/50/KE shfuqizohet.

Neni 10

Zbatueshmëria

Ky vendim hyn në fuqi nga data 1 janar 2008.

Neni 11

Marrësit

Ky vendim u drejtohet shteteve anëtare.

Nënshkruar në Bruksel, më 14 nëntor 2006.

Për Komisionin

Markos KYPRIANOU

Anëtare e Komisionit

SHTOJCA I

SIÇ PËRMENDET NË NENIN 3, GERMA "B"

KATEGORITË E METODAVE TË KULTIVIMIT

Kategoritë e metodave të kultivimit për pulat që bëjnë vezë dhe dispozitat përkatëse në Direktivën 1999/74/KE dhe Rregulloren (KE) nr. 2295/2003

SHTOJCA II

SIÇ PËRMENDET NË NENIN 3, GERMA "C" DHE NENET 4, 5 DHE 6

KREU I

KATEGORITË E MOSPËRPUTHSHMËRISË PËR VIÇAT DHE DISPOZITAT PËRKATËSE NË DIREKTIVËN 91/629/KEE

KREU II

KATEGORITË E MOSPËRPUTHSHMËRISË PËR DERRAT DHE DISPOZITAT PËRKATËSE NË DIREKTIVËN 91/630/KEE

KREU III

KATEGORITË E MOSPËRPUTHSHMËRISË PËR TË GJITHA VENDET E PRODHIMIT DHE DISPOZITAT PËRKATËSE NË DIREKTIVËN 98/58/KE

KREU IV

KATEGORITË E MOSPËRPUTHSHMËRISË PËR PULAT QË BËJNË VEZË DHE DISPOZITAT PËRKATËSE NË DIREKTIVËN 1999/74/KE

SHTOJCA III

SIÇ PËRMENDET NË NENIN 3, GERMA "D"

Kategoritë administrative të mospërputhshmërive

SHTOJCA IV

INFORMACIONI QË I DORËZOHET KOMISIONIT NË PËRPUTHJE ME NENIN 8

Informacioni që i dorëzohet Komisionit në përputhje me nenin 8, paraqitet në përputhje me tabelat 1 dhe 2 të kësaj shtojce.

Ai përmban numrin e:

— Vendeve të prodhimit që i nënshtrohen inspektimeve në rreshtin 1 të tabelave 1 dhe 2;

— Vendeve të inspektuara të prodhimit në rreshtin 2 të tabelave 1 dhe 2, bazuar në numrin e inspektimeve që janë në përputhje me kërkesat e neneve 4 deri në 7;

— Vendeve të prodhimit pa mospërputhshmëri në rreshtin 3 të tabelave 1 dhe 2, bazuar në rezultatet e inspektimeve përkatëse të raportuara në rreshtin 2 të tabelave 1 dhe 2;

— Mospërputhshmërive sipas kategorive të përmendura në shtojcën II në rreshtat nga 4 deri në 18 të tabelës 1 dhe në rreshtat nga 4 deri në 12 të tabelës 2 të kësaj shtojce;

— Mospërputhshmërive sipas kategorive të përmendura në shtojcën III në rreshtat nga 19 deri në 21 të tabelës 1 dhe në rreshtat nga 13 deri në 15 të tabelës 2 të kësaj shtojce.

TABELA 1

TABELA 2

<href="#ntc1-L_2006314EN.01003901-E0001">1. Gazeta Zyrtare L 340, 11.12.1991, f. 28. Direktivë e ndryshuar së fundmi me Rregulloren (KE) nr. 806/2003 (Gazeta Zyrtare L 122, 16.5.2003, f. 1).

<href="#ntc2-L_2006314EN.01003901-E0002">2. Gazeta Zyrtare L 340, 11.12.1991, f. 33. Direktivë e ndryshuar së fundmi me Rregulloren (KE) nr. 806/2003.

<href="#ntc3-L_2006314EN.01003901-E0003">3. Gazeta Zyrtare L 221, 8.8.1998, f. 23. Direktivë e ndryshuar me Rregulloren (KE) nr. 806/2003.

<href="#ntc4-L_2006314EN.01003901-E0004">4. Gazeta Zyrtare L 203, 3.8.1999, f. 53. Direktivë e ndryshuar me Rregulloren (KE) nr. 806/2003.

<href="#ntc5-L_2006314EN.01003901-E0005">5. Gazeta Zyrtare L 19, 25.1.2000, f. 51. Vendimi i ndryshuar së fundmi me Aktin e Aderimit, 2003.

<href="#ntc6-L_2006314EN.01003901-E0006">6. Gazeta Zyrtare L 165, 30.4.2004, f. 1; e korrigjuar (Gazeta Zyrtare L 191, 28.5.2004, f. 1). Rregullore e ndryshuar me Rregulloren e Komisionit (KE) nr. 776/2006 (Gazeta Zyrtare L 136, 24.5.2006, f. 3).

<href="#ntc7-L_2006314EN.01003901-E0007">7. Gazeta Zyrtare L 340, 24.12.2003, f. 16. Rregullore e ndryshuar së fundmi me Rregulloren (KE) nr. 89/2006 (Gazeta Zyrtare L 15, 20.1.2006, f. 30).

<href="#ntc1-L_2006314EN.01004601-E0001">8. Shpendë të llojeve Gallus gallus përveç pulave që bëjnë vezë.